ಬಾರೋ ಬಾರೋ ಶಿಶಿರ ವಸಂತ

ಬಾರೋ ಬಾರೋ ಶಿಶಿರ ವಸಂತ

ಬಾಳಿಗೆ ಬಣ್ಣವ ಬಳಿಯುವ ಸಂತ

ಬಣ್ಣದ ಆಟದ ಪರಿ ಇದು ಎಂಥ

ಬಾರೋ ಬಾರೋ ಶಿಶಿರ ವಸಂತ


ಹೂವುಗಳ ಹಾಗೇ ಅರಳಿರು ಅಂತ

ಅರಳಿಸಿ ಮಧುವನು ಹಂಚುತ ನಿಂತ

ಮಧುವನು ಹಂಚಿ ನಗುತಿರು ಅಂತ

ಜೀವನ ಪಾಠವ ಕಲಿಸುವ ಸಂತ

ಇಂತಹ ಕಲೆಯು ನಿನಗೇ ಸ್ವಂತ

ಬಾರೋ ಬಾರೋ ಶಿಶಿರ ವಸಂತ


ಅಲ್ಲಿ ಅವನ ಬಿಳಿ ಮಾಡಿ, ಮತ್ತವನ ಕರಿ ಮಾಡಿ

ಹಳದಿ ಮತ್ತಿವನ ಮಾಡಿದ ನಿನ್ನ ಕಲೆ ಎಂಥ

ಎಲ್ಲರಲ್ಲೂ ತುಂಬಿದೆ ಕೆಂಪು ಅಂತ

ಅಂದ ನಿನ್ನೆಯ ಅಂದ ಎಷ್ತಂಥ

ತಿಳಿವವರು ಯಾರಿಲ್ಲಿ ಇಲ್ಲಂತ

ಬಾರೋ ಬಾರೋ ಶಿಶಿರ ವಸಂತ


ತಿಂಗಳನಿಗೆ ಒಂದು ಬಣ್ಣ, ಮಂಗಳನಿಗೆ ಒಂದು ಬಣ್ಣ

ಭುವಿಗೆ ಮತ್ತೊಂದು ಬಣ್ಣ ಕೊಟ್ಟ ಸಂತ

ಎಲ್ಲ ಬಣ್ಣವ ಸೂರ್ಯನಲ್ಲಿ ಇತ್ತು ನಿಂತ

ಬಾ ಬಾರೋ ಕಲೆಗಾರ ಮತ್ತ ಮತ್ತ

ಶಿಶಿರಾದ ಬಾಳಿಗೆ......ಬಾ ವಸಂತ........