ಕಲ್ಗುಡಿಯಾಗ ಕಣ್ತೆರೆಕೊಂಡು


ಕುಂತಾಳ ನೋಡೋ ನಮ್ಮವ್ವ

ಬೆನ್ನು ತುಂಬಾ ಕಣ್ಹೊತ್ಕೊಂಡು

ಬೆನ್ನಿಗೆ ನಿಂತಾಳ ದುರ್ಗವ್ವ



ಬಾಳು ನಿನ್ನ ಕಾಲಡಿಯಲ್ಲಿ

ಬಿದ್ದದ ನೋಡೇ ನಮ್ಮವ್ವ

ಅದಕಿಂತ ಮಾನ ಬೇರೆಯಾವ

ಜಾಗದಾಗೇ ದುರ್ಗವ್ವ



ತಾಯ್ಮನಿ ಬಿಟ್ಟು ಹೊರಟೇನಿಂದು

ಯಾವ್ಮನಿಗೆಂದು ತಿಳೀಡವ್ವ

ಅಳಾಕ ಎರಡೇ ಕಣ್ಣು ನನಗೆ

ನೂರು ನಿನಗೆ ಕಣ್ಣವ್ವ



ಮಕ್ಕಳ ನೋಡೋ ಆಸೆ ನಿನಗೆ

ನಾಳೆ ಏನಾರ್ ಬಂದ್ರವ್ವ.....

ಮನಸಿನ ಬಾಗಿಲ ತೆರೆಕೊಂಡ್ ನಾನು

ಕೂತಿರ್ತೇನೆ ಬಾರವ್ವ.....



ನಿನ್ ಮನಿ ಬಿಟ್ಟು ಹೋಗ್ತೀನೆಂದು

ಮುನಿಸೀಕೊಳಬೇಡವ್ವ

ಅಂತ ಅಂದ್ರ...ಜಗವೇ ನನ್ನ ಹೊಟ್ಟಿ ಒಳಗಾ

ಐತೆ ಮಗನಾ ಅಂದ್ಯವ್ವ....?